Gina-uyatan ni Mayor Jed Patrick Mabilog nga Listahan sang 150 ka Drug personalities sa Syudad, Validated kag Verified na suno kay PDEA 6 Director Paul Ledesma

Iloilo City — Validated kag verified na ang listahan sang mga drug personalities nga ginalakipan sang 150 halin sa syudad sang iloilo nga nakalab-ut na kay Mayor Jed Patrick Mabilog.

Ang listahan suno kay PDEA 6 Director Paul Ledesma, produkto sang consolidated intelligence workshop nila upod sa Police Regional Office 6.

Ginbasehan man ang barangay anti-drug abuse council ukon BADAC reports sa kabaranggayan.

Sa kabug-usan, may mil 96 nga drug personalities sa Western Visayas, 150 diri ang yara sa Iloilo City kag 540 naman sa Iloilo Province.

Gin-athag ni Ledesma nga mga nalakip lang sa listahan ang mga naga-intra sa actual drug trade pareho sang pag-transport, pagbaligya kag pagmentinar sang drug den.

Wala nalakip ang mga drug users bangud sa advocacy sang PDEA nga mahimo pa sila magbag-o paagi sa pagparehab. (JoMaque)