Iloilo City — Nagpa-blotter sa City Proper Police Station si Meriam Odicta, 52-anyos sang Brgy. Malipayon-Tanza Esperanza, City Proper kag asawa ni PDEA 6-identified top drug pesonality Melvin Odicta alyas Boyet.

Kaupod ni Mrs. Odicta nga nagpa-blotter ang tatlo sini ka abogado nga sanday Atty. Romeo Gerochi, Atty Gualberto Cataluña kag Atty. Edeljulio Romero kagab-i.

Sa alegasyon ni Odicta, halin Hunyo 10 tubtub Hunyo 15 sang kaagahon, may duha ka motorsiklo kag isa ka salakyan nga nagalibot-libot sa ila puluy-an.

Nagapati ang complainant nga mga miembro sang PDEA, local police, national police unit kag iban pa nga government authorities ang naga-surveillance sa ila balay bangud madugay na nga subject sang media commentaries ang involvement sang ila pamilya sa illegal drugs trade sa syudad.

Nagpabutyag naman ang tagreklamo nga handa ang iya bana nga mag-kooperar kag ipa-search ang ila puluy-an sa tanan nga tion basta nagasantu lang sa laye kag wala sang i-planted ang mga pulis.  (JoMaque)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply