Iloilo City — Ginkalipay ni former Iloilo Police Provincial Office (IPPO) Director Senior Superintendent Cornelio Salinas ang desisyon sang Court of Appeals nga nagapabalik sa iya sa serbisyo kaupod ang 18 pa ka police officers nga ginkasuhan sang korapsyon sa Office of the Ombudsman.

May kaangtanan ini sa maanomaliya nga pagbakal sang mga rubber boats sang PNP Maritime Command (MARICOM).

Suno kay Salinas, nahatag sang CA ang hustisya nga madugay na nila ginapangita bangud pamatuod ini nga wala sang kapaltahan sa bidding process.

Nagalaum si Salinas kag iya mga kaupdanan nga mabalik sa ila ang mga ginpangabudlayan.

Nagalaum man ini nga makabalik siya sa serbisyo kag mahatagan sang maayo nga puwesto ni incoming PNP Chief Ronald “Bato” Dela Rosa.

Luyag sini nga makapangalagad sa mga pumuluyo kag mahatagan sang chansa nga liwat makasaludo sa hayahay sang pungsod. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply