Iloilo City–Ginkuga si Engr. Marites Santillana sang Estefania, Bacolod City kag supervising engineer sang National Irrigation Administration (NIA) Regional Office 6.

Ini ang gintunaan sang kamatayon ni Santillana base sa resulta sang pag-autopsy ni PRO-6 Medicolegal Officer Dr. Owen Lebaquin. Mahimo suno kay Lebaquin nga tela, tuwalya ukon habol ang gingamit sang suspetsado sa pagkuga sa biktima.

Ginapatihan man ni Lebaquin nga ginsumbag ukon ginbakol ang biktima bangud may mga lagub ini sa agtang, magtimbang nga hita, mga tiil kag mga kamot. May patimaan man sang penetration sa kinatawo sang biktima.

Nagapati naman si PCINSP Rowel Fermo, hepe sang Jaro Police Station, nga mahimo kilala ni Santillana ang suspek bangud wala sang patimaan nga papwersa nga ginsulod ang kwarto.

Si Santillana ang nasapwan sang iya landlord nga hublas kag yara na sa advance state of decomposition sa sulod sang gina-arkilahan nga kwarto sa Tacas, Jaro sang Lunes sang aga. (Aine Grace Bravo)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply