Aksyon Radyo Exclusive: Driver sang Taxi, Nag-ako sa Aksyon Radyo Iloilo nga Siya ang Ginsakyan sang Menor nga Nasapwan sa Moonlight Lodge kag sa Suspek
Read Time:1 Minute, 4 Second
Iloilo City–Nagpadulong sa Aksyon Radyo Iloilo ang taxi driver nga nag-ako nga siya ang ginsakyan sang ginpatay nga 15-anyos nga dalagita nga nasapwan sa Moonlight Lodge sa Arevalo kag sang suspek sang Hunyo 13 sang kaagahon.
Suno kay alyas Dodoy, nagsakay sa iya ang suspek sa corner Mabini-Ledesma, City Proper kag nagpangita sang babaye. Nagpakilala suno sa iya ang lalaki nga nagabiyahe sang truck sang Bmeg kag ginlaragway nga indi maglapaw sa 40-anyos ang edad, may buy-on, may mga punggod sa agtang kag nakasuksok sang tshirt nga puti, hacket kag shorts.
Gin-ako ni Dodoy nga siya ang nagtext sa biktima nga nagapangita sang babaye ang iya pasahero kag ila ini ginhapitan sa atubang sang Tanza church antes nagdiretso sa lodging house. Nakilala ni Dodoy ang biktima bangud masami siya nagakaun sa Tanza sa diin naga-istar ang dalagita.
Ginpahayag ni Dodoy nga wala man nagcheck ang roomboy sa iya mga pasahero sang nag-abot sila sa lodging house. Wala pa suno siya nabayaran sang suspek bangud ginpahulat siya pero may gindul-ong siya nga mga pasahero nga halin sa lodging house.
Nabatian na lang sini sa aksyon radyo ang interview sa iloy sang biktima nga nagahibi kag nagapangayo sang hustisya sa natabu sa iya anak. (Aine Grace Bravo)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Average Rating