Balasan, Iloilo–Ginturn over na sa Balasan Police Station ang mga recoveries sa balay nga ginapatihan hideout sang hostage-taker sa Estancia nga si Romy Albor alyas Burot.

Suno kay PINSP Samuel Vipinosa, hepe sang Balasan Police Station, para sa safekeeping ang na-recover nga duha ka motorsiklo, tricycle, 12-gauge shotgun, hand-held radio, eksplosibo kag mga drug paraphernalia. Iga-verify niya sa mga tag-iya kon paano nakalab-ot kay Albor ang mga salakyan.

Nagpadala man sang request si Vipinosa sa Highway Patrol Group para sa verification sang mga salakyan. Nagapati si Vipinosa nga ginagamit ni albor ang hand-held radio agud magkuha sang impormasyon angut sa mga pulis kag sa iya illegal nga aktibidad.

Gin-search ang hideout ni Albor sa Barangay Ipil matapos nagpangayo sang bulig sa mga pulis ang mga barangay officials kasunod man sang pagpang-hostage sini sa Estancia Police Station sang Hunyo 23. Napatay si Albor sang IPPO-SWAT. (Aine Grace Bravo)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply