Maasin, Iloilo — Patay ang driver sang motorsiklo sang gintiro sa Barangay Layog, Maasin.

Patay sang nag-abot sa Ramon Tabiana Memorial Hospital sa Cabatuan ang biktima nga si Crisostomo Canino, 58-anyos sang nasambit nga barangay nga may pilas sa wala nga ulo, dughan kag wala nga abaga.

Suno kay Inspector Maria Theresa Lero, ang hepe sang Maasin Police Station, gintudlo nga suspect si anay punong barangay kag Barangay Layog kagawad David Maculas.

Ginpahayag nga hubog si Canino nga nagapangbangga sa mga nagalabay nga motorista kag nagapangayo sang kuwarta agud ibakal sang whisky.

Ginsaway ni Maculas si Canino nga untatan na ang pagpangayo-kayo apang wala nagpamati kag sa baylo gintuyo pa nga agawon ang pusil sang barangay official gani nga napilitan nga tiruhon ang biktima. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply