Iloilo City–Nadakpan sa follow-up operation sang Lapaz police ang tatlo ka suspek sa pagbuno-patay sa 44-anyos nga lalaki sa Zone 2 Bo. Obrero, Lapuz Sabado sang sang gab-i.

Una nga gin-aresto si Michael Magbanua alyas Mak-Mak, 28-anyos sang amo man nga lugar matapos gintudlo sang testigo nga nagbuno kay Glen Berciles. Gintudlo naman ni Magbanua ang duha pa sini ka kaupod nga sanday Vincent Pabilona kag Benny Cartagena.

Sa alegasyon ni Pabilona, si Cartagena ang naglampos sang dos-por-dos sa biktima samtang si Magbanua ang nagbuno. Ginpahayag nga na-akig si Magbanua sang ginsukot ni Berciles sang bayad sa ginpabaligya sa ila nga pagkabutang.

Preso na sa karsel sang Lapaz Police Station ang mga suspetsado. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply