Iloilo City — Ginpa-untat temporaryo sang Coast Guard-Iloilo Station ang biyahe sang mga pumpboats halin Iloilo-Guimaras bisan nga wala sang storm signal si Bagyo Butchoy sa Isla sang Panay.

Pasado ala-una kaina sang hapon ginpa-untat ni Chief Petty Officer Alejandro Genegaban, Deputy Station Commander sang Coast Guard-Iloilo ang biyahe sang mga pumpboats bangud sang zero visibility, dalagko nga mga balod kag mabaskog nga hangin.

Gintugtan naman nga makabiyahe ang mga pumpboats pagkaligad sang 30 minutos sang nagkanay na ang panahon.

Samtang masarangan naman sang fastcraft ang mga balod kabangdanan nga wala ginkanselar ang biyahe nga Iloilo-Bacolod and vice versa.

Bisan wala sang bagyo suno kay Genegaban, ginapa-untat ang biyahe sang mga pumpboats kon malain ang panahon agud mapat-ud ang kaluwasan sang mga pasahero.  (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply