Ginpanghiwala ni former Police Regional Office (PRO) 6 Director PCSUPT Bernardo Diaz nga isa siya sa lima ka police generals nga protektor sang mga druglords.

Kasunod ini sang pagbuyagyag ni President Rodrigo Duterte sang pangalan sang lima ka heneral nga ginpahayag protektor sang illegal drugs. Suno kay Dwala siya sang ideya kon sin-o ang General Diaz nga former director sang Region 11 nga amo ang ginmitlang ni Duterte sa speech sini kahapon sa anibersaryo sang Philippine Air Force.

Ginpabutyag ni Diaz nga matinlo ang record bangud wala siya sang kaso ukon report nga nagaproteher siya sa illegal nga druga sugod sang naga-rangko pa lang siya sang 2nd Lieutenant. Kon may pulis man suno sa iya nga akig sa illegal nga druga, isa na si Diaz bangud nabiktima sang illegal drugs ang iya mga himata partikular ang iya utod.

Bisan ang iya iloy ang nagbalatian sa korason bangud sa problema samtang ang iya amay ang napatay sa sobra nga pagpangalisod sa nadangatan sang iya utod. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply