Iloilo — Indi makapat-ud ang Bureau of Fire Protection sa Oton kon paano ginsunog ang Melvin taxi sa Pulo Maesta Vita pasado alas 2 kaina sang kaagahon.

May posibilidad suno kay Fire Officer 2 Ian Dexter Decaro nga ginbuksan ang fuel tank sang taxi kag ginsindutan sang mga suspetsado.

Natingala si Decaro nga wala naglupok ang fuel tank samtang upos na ang taxi sang nag-abot sila sa lugar.

Ginpahayag sang driver nga si Jonathan Banes sang Villa Anita, City Proper nga may nagsakay nga duha ka lalaki kaina halin Delgado-Mabolo, City Proper.

Gingapos ang magtimbang nga kamot kag tiil sang driver kag ginbutangan sang tape ang iya baba kag ginbilin sa Sambag, Jaro. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply