Iloilo City — Ginmanduan ni ICPO Director SSUPT Remus Zacharias Canieso ang intel unit nga usisaun ang mga sirkumstansya antes ang pagsunog sa unit sang Melvin taxi sa Pulo Maestra Vita Oton kahapon sang kaagahon.

Suno kay Canieso, bisan nga wala pa sang official statement ang management kag wala pa nakaparecord sa police station sang natabu, imbestigaran nila ini.

Maga-coordinate ang ICPO sa Oton police samtang nagapadayon ang imbestigasyon.

Wala pa gid sang official blotter sa natabu bangud nga ginpahayag naglain ang pamatyag sang driver nga si Jonathan Banes.

Una na nga ginsaysay ni banes sa interview sang Aksyon Radyo nga nagsakay sa Delgado City Proper ang duha ka lalaki pero pag-abot sa Sambag Jaro, gingapos ang iya magtimbang nga kamot kag tiil kag ginbutangan sang tape ang iya baba antes ginbilin. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply