Iloilo City–Nagahulat ang National Police Commission (NAPOLCOM) 6 sang mandu sang ila central office agud imbestigaran si anay Police Regional Office (PRO) 6 Director PCSUPT Bernardo Diaz nga ginbuyagyag protektor sang illegal drug syndicates.

Kasunod ini sang mandu ni Presidente Rodrigo Duterte sa NAPOLCOM nga imbestigaran ang lima ka mga police generals nga ginpahayag involved sa illegal drugs. Suno kay Napoleon Arostique, hepe sang Technical Services Division sang NAPOLCOM 6, wala pa siya sang nabaton nga communication halin sa central office para suguran ang imbestigasyon partikular kay Diaz.

Apang handa man suno sa iya ang NAPOLCOM 6 sa pag-imbestigar kon may mabaton na nga direktiba.

Una na ginpabutyag ni PNP Chief Director General Ronald ‘Bato’ dela Rosa nga 100% nga maga-kooperar sa imbestigasyon ang tatlo sa lima ka police generals nga nagpakigkita sa iya kahapon. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply