Iloilo City — Naglumpat sa barko ang ilonggo nga pasahero sang MB Trans-Asia 8 nga nagabiyahe halin sa Cebu pabalik sa Iloilo.

Ginkonfirmar ni Lieutenant Commander Ramil Palabrica sang Coast Guard Iloilo Station nga natabu ang paglumpat ni Arnel Teru sang San Isidro La Paz sang biernes pa sang gab-i.

Base sa impormasyon nga ginpalab-ut sang kapitan sang barko, naglumpat nga hublas si Teru malapit sa Chocolate Island sa Cebu.

Ginpangita man sang mga crew sang barko ang pasahero pero wala gid nakita gani nga nagdiretso na lang sa Iloilo kag nagdungka kahapon sang aga.

Padayon naman ang pagpangita sang coast guard sa Cebu kay Teru. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply