Iloilo City — Problema sa Panay Energy Development Corporation (PEDC) ang gintunaan sang total blackout sa syudad kahapon nga naglawig sang masobra isa ka oras.

Gin-athag ni Engr. Randy Pastolero, Asst. Vice President for Operations sang Panay Electric Company (PECO) nga alas 3 kahapon sang hapon nag-deactivate ang line 6 sang PEDC kag sang ginkaayo, nagbalik ang power supply pagkaligad sang 15 minutos.

Gulpi naman nga napatay ang Unit 1 sang PEDC nga nagresulta sang total blackout kag nagbalik ang power supply pagkaligad sang isa ka oras.

Ulihi pa gid nga nagbalik ang power supply sa feeder 3 na naga-angut sa portion sang La Paz kag Jaro kag feeder 5 nga naga-angut sa portion sang La Paz kag City Proper. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply