Iloilo City–Lipong nga gindala sa ospital ang preso nga si Kevin Lazaro sang Bakhaw, Mandurriao matapos nadulaan sang balanse kag nakabunggo sa semento sa karsel sang Mandurriao Police Station kagab-i.

Suno sa upod sini nga mga preso, gin-abot sang “katok” si Lazaro kag gulpi lang ini nga nagtindog samtang nagakatulog kag nagtuyo nga karatehon ang pader sang presuhan. Ginpahayag nga ginahutikan si Lazaro sang mga Dragon Ball Z characters nga sanday “Piccolo” kag “Goku.”

Sang nagligad nga gab-i, ginpahayag nga ginbunggo man ni Lazaro ang iya ulo sa pader kag nagsiling nga ginahatagan siya sang power ni “Vegeta”, ang character man sa Dragon Ball Z, gulpi lang ini nga natumba kag nagakurog-kurog. Nabatian man sang mga preso nga naka-singgit si Lazaro nga siya ang “Super Saiyan” nga si Son Goku.

Si Lazaro ang nadakpan sa buybust operations sa Bakhaw, Mandurriao sang nagligad nga semana. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply