Update: PDEA 6, Magapangusisa sang Matul-id sa mga Ginbuy-an nga Impormasyon sang Nagsurrender nga Drug Personality nga si Rolando Torpio

Iloilo City — Maga-usisa pa gid sang matul-id ang PDEA 6 sa background sang nagsurrender nga drug personality nga si Rolando Torpio alyas Apa/Striker sang South San Jose, Molo sa Intelligence Unit sang Iloilo City Police Office.

Mangayo si PDEA 6 Director Paul Ledesma sang kopya sang impormasyon nga ginbuy-an ni Torpio.

Suno kay Ledesma, ipaanggid niya ang mga impormasyon sang ICPO sa ila record.

Mahimu suno sa iya nga makabulig sa anti-drug operations ang mga gintu-ad ni Torpio ukon pagpatalang lang.

Una na ginpahayag ni Supt. Salvador Dagoon, ang hepe sang Intel Unit sang ICPO nga number 5 si Tortpio sa ila drug watchlist kag ginakabig nga high value target.

Gin-ako ni Ledesma nga priority target nila si Torpio bangud sub-group ini sang majordrug group sa syudad.

Si Torpio ang ginreport nga yara sa idalum ni PDEA-identified top drug personality Melvin Odicta alyas Dragon. (JoMaque)