Iloilo City–Na-itsapuwera sa hatagay sang committee chairmanship sa City Council sanday Councilors Plaridel Nava kag Joshua Alim.

Sa gin-aprubahan nga resolution sang konseho kahapon, wala gid sang may nakuha bisan isa ka ka komitiba ang duha ka konsehal. Wala man sila ginlakip nga miembro sang anuman nga komitiba bangud yara sila sa minority bloc.

Nagkadto kay Councilor Ed PeƱaredondo nga floor leader sang City Council ang Cmmittees on Rules, Ordinances, Hustice, Appropriations kag Urban Planning Housing and Land Development. Nakuha ni Councilor R. Leone Gerochi ang chairmanship sa Committee on Public Services, Transportation, Energy and Utilities kag Good Government and Public Accountability.

Nagtupa kay Councilor Ely Estante ang Committee on Engineering kag Agriculture and Aquatic Resources. Gina-uyatan naman ni Councilor Mandrei Malabor ang Committee on Market and Slaughterhouse kag Committee on Games and Amusement. Ginpili nga chairman sang Committee on Health and Sanitation, Trade and Industry kag Tourism Cultural and Historical Affairs si Councilor Candice Tupas.

Makuha ni Councilor Jay TreƱas ang Committee on Cooperative and Livelihood kag Urban Poor and Human Rights. Si Councilor Julie Grace Baronda ang chairperson sang Committee on Education, Science and Technology, Social Services and Disaster Relief, Youth Sports kag Information Technology. Pamunuan ni Councilor Leizel Salazar ang Committee on Domestic and International Relations kag Women and Family Relations.

Samtang nakuha ni Councilor Jeffrey Ganzon ang chairmanship sa Committee on Moral Recovery kag Police Matters and Public Safety. Ginhimo naman nga chairman sang Committee on Veterans and Retirees, Labor Employment and Manpower Development si Councilor Armand Parcon. Nagkadtu kay Councilor Reyland Hervias ang Committee on Ways and Means kag Barangay Affairs. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply