Iloilo City — Indi makapat-ud ang La Paz police kun tul-an sang babaye ukon lalaki ang nakutkotan sa construction site sa Huervana Street, La Paz kaina sang aga.

Suno sa trabahador nga si Elvis Nodalo sang Cebu, mabutang sila kuntani sang pundasyon sang nakit-an ang sako nga may unod nga tul-an.

Magluwas sa mga utod-utod nga tul-an, nakit-an man suno kay Nodalo ang underwear.

Wala naman sang may nadumduman nga ginlubong nga tawo sang tenant sang apartment nga si Monette Dumaran sang Rizal La PazĀ  umpisa nga nag-arkila sang 1993.

Ginguba ang apartment agud patindugan sang building sang fast food chain .

Ginapatihan nga 10 tubtub 15 ka tuig na nga nalubong ang tul-an antes nakit-an. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply