Ginmanduan na ni Police Regional Office (PRO) 6 Director PCSUPT Jose Gentiles ang mga hepe sang police stations kag heads sang nagkalain-lain nga opisina nga umpisahan na ang pagconduct sang lifestyle check sa ila mga tinawo.

Ginapatutukan ni Gentiles ang tanan nga pulis nga na-destino sa anti-drug campaign sa Western Visayas. Suno kay PRO-6 PIO PSUPT Gilbert Gorero, ma-athag na ang instructions ni Gentiles sa mga hepe.

Gin-require ni Gentiles ang mga hepe nga magpasa sang ila report agud mabal-an kon sin-o ang gulpi lang nag-manggaranon. Ang lifestyle check, kabahin sang programa ni PNP Chief Director General Ronald dela Rosa agud masiguro nga matinlo ang hanay sang kapulisan  sa bug-os nga pungsod. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply