Iloilo–Naglab-ut na sa 2, 874 ka mga drug users kag pushers ang nagsurrender paagi sa Oplan Tokhang sa probinsiya sang Iloilo tubtob Hulyo 15.

Ginpahayag ni Iloilo Police Provincial Office Drector PSSUPT Roderick Augustus Alba nga sa amo nga numero, 2, 742 ang drug users, 19 ang drug pushers kag 113 ang pushers kag users. Bisan pa Hulyo 15 ang nabutang nga katapusan nga adlaw para sa Oplan Tokhang, ginpahayag ni Alba nga wala naman ini nagakahulugan nga indi na sila magbaton sang mga willing pa magsumiter sang ila kaugalingon.

Nagalaum si Alba nga madamo pa sang magasurrender nga mga drug personalities. Matapos ang Oplan Tokhang, ipatuman naman sang kapulisan ang upper barrel nga kabahin sang Project Double Barrel sang Philippine National Police.

Ang upper barrel suno kay Alba, magalagas naman sa mga high value target sa illegal nga druga. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply