Iloilo City — Nagpresentar sang iya kaugalingon sa pulis si Monica-Blumentritt, City Proper barangay kagawad Jesus “Jing-Jing” Espinosa, Jr. bilang kabahin sang Oplan Tokhang sang Philippine National Police.

Si Jing-Jing Espinosa nga isa sa ginatudlo drug personality sa syudad ang nagpakita sa City Proper Police Station alas 3 subong nga hapon kaupod ang iya abogado nga si Atty. Gualberto Cataluña.

Nagpauli man si Espinosa matapos nagsumiter sang preparado na nga affidavit of undertaking.

Si Espinosa sa nahibaluan ang ihado ni PDEA 6-identified drug group leader Melvin Odicta alyas Boyet/Dragon, nga nagpresentar man sang kaugalingon sa pulis sang nagligad nga semana upod ang iya asawa nga si Meriam kag anak nga si Melvin Jr.

Isa man si Espinosa sa mga nag-upod sa grupo ni Boyet Odicta sang tuyo ini nga nagsaka sa estasyunan sang Aksyon Radyo Iloilo sang Nobyembre 19 sang nagligad nga tuig. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

One thought on “Isa sa ginatudlo drug personality sa siyudad nga si Monica-Blumentritt, City Proper barangay kagawad Jesus Espinosa Jr, nagpresentar sang kaugalingon sa pulis”
  1. AND THEN WHAT? THEY GO HOME AND BUSINESS AS USUAL??? ANO NGA GIANGO NI OBRA NIYO MAN? SI MELVIN PINA -ULI NIYO MAN? ANO PULOS NI KAMPANYA? BIG TIME NGA DRUG LORD, AGTO SA PULIS, TAPOS PAULI LANG? SI ODICTA, ESPINOSA, MABILOG…AMO NI DAPAT PATYON PARA MATAPOS NA DROGA SA ILOILO !!!

Leave a Reply