Ginatudlo High Value Target nga Drug Personality sa Calinog, Napatay sang Ginpahayag Nagbato sa mga Pulis
Read Time:40 Second
Calinog, Iloilo–Nakapuntos ang mga pulis sa probinsya matapos napatay sa drugbust operation ang ginatudlo nga high value target nga drug personality kahapon.
Suno kay PSINSP Bonifacio Alabe, hepe sang Calinog Police Station, napatay sa operasyon nila kaupod ang Provincial Anti-Illegal Drug Special Operations Task Group ukon PAIDSOTG si Panfilo Artuz Jr, 46-anyos sang Malitbog Centro, Calinog. Madugay pa nga nakuha ang bangkay ni Artuz bangud ginakabalak-an nga maglupok ang gina-uyatan sini nga granada.
Ginpahayag ni Alabe nga ginpalukpan ni Artuz ang mga operatiba gani napilitan ang mga ini nga tiruhon ang subject. Magluwas sa granada, nakuha man sa balay ni Artuz ang 38-caliber revolver kag 500 pesos nga buybust money.
Base sa impormasyon sang mga pulis, nagakuha si Artuz sang iya supply sang illegal drugs sa Tapaz, Capiz. (AGB)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Average Rating