Update: Iloy sang Napatay nga Drug personality nga si Freddie Sumbing Jr, Nagpanginwala nga Nagabaligya sang Illegal drugs ang iya anak

Iloilo City —  Nagagamit sang illegal drugs si Freddie Sumbing Jr, 27 sang Rizal Pala-Pala Zone 1 City Proper, nga napatay sang mga pulis sa drugbust operation sa beach resort sa Arevalo kagab-i bangud ginpahayag nga nagbato.

Suno sa iloy ni Sumbing nga si Nena, ginasaway man sini ang iya bata pero patago gihapon nga nagabakal kag nagagamit sang illegal drugs.

Pero ginpanindugan ni Nena nga wala nagabaligya sang druga si sumbing kag wala man sang pusil.

Wala man ini sang nabal-an kon diin nagabakal ang iya bata.

Suno naman kay Iloilo City Police Office Director Remus Zacharias Canieso, gintuyo ni Sumbing nga gabuton ang pin sang granada nga iya ginkuha sa iya bulsa gani nga gintiro na lang sang mga operatives.

May anum ka pilas sa dughan kag kamut si sumbing samtang narecover sa iya ginrentahan nga Room 10 sa RBR beach resort ang granada, apat ka empty shells sang 9mm pistol, duha ka sachets sang suspected shabu kag 300 pesos nga buybust money. (JoMaque)