Iloilo City–Masunod nga ipa-drug test ni Mayor Jed Patrick Mabilog ang mga empleyado sang city hall.

Kasunod ini sang pagpa-drug test kahapon ni Mabilog kaupod ang mga department heads. Apang gin-athag sang alkalde nga kinahanglan may nagakaigo nga budget para sa drug testing.

Dugang pa ni Mabilog, personal nila nga kuwarta ang gasto sa pagpa-drug test kahapon. Tuyo sini suno sa alkalde nga mangin maayo siya nga ehemplo. Ginsulit man ni Mabilog ang iya plano nga magpahamtang sang community drug center sa pito ka distrito sang syudad.

Hingyuon sini ang city council nga aprubahan ang 5 milyones pesos nga budget para sa pagpatindog sang community drug center. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply