Bayaw sang High Value Target nga Drug Personality sa Molo, Nadakpan sa Buybust Operation

Iloilo City — Nadakpan ang bayaw sang high value target drug personality sa Molo sa buy bust operation sang gintingub nga pwersa sang Molo police kag Intelligence unit sang ICPO sa South San Jose, Molo kagab-i.

Nadakpan si Richard Mallon, 50 anyus alyas Kikik sang South San Jose, Molo kag nakuhaan sang 17 ka plastic sachet sang suspected shabu.

Ginpanginwala ni alyas Kikik nga siya ang nagapanag-iya sang shabu kag iya gin-athag nga nagpanokot lang siya sa ginpa-utang nga shorts kay alyas Baka kag natabu-an lang nga yara siya sa balay sang nagbuy bust operation ang mga police.

Si Kikik ang bayaw ni RolandoTorpio alyas Apa nga top drug personality sa Molo.

Si Kikik ang nagsurrender man sa Molo Police Station sang ginlunsar ang Oplan Tukhang sang PNP.

Samtang si alyas Apa ang nagsurrender sa Intelligence Section sang ICPO kag nagpangako nga indi na magbaligya sang illegal nga druga base sa iya ginpirmahan nga affidavit of undertaking. (Nemesio Martirez)