Pavia, Iloilo–Ginapatihan nga bangag ang lalaki nga nanglabu sang tagbalay sa Deca Homes Subdivision kagab-i.

Suno kay Rolen Arsenio, tag-iya sang balay nga una ginkadtuan sang suspetsado, daw bangag ini samtang nagahambal kag nagapangita sang iloy sini kag may gina-uyatan nga binangon nga ginahagod sa iya tiyan. Gilayon ini nagdalagan sang nabatian nga nagpatawag sang guwardiya sang subdivision si Arsenio. Sang ulihi, nanuktok naman ini sa balay ni Tomas de la Cruz. Pagbukas sang puwertahan, ginlabu sini ang tagbalay nga napilasan sa ulo. Nakabalos naman si de la Cruz paagi sa pagtiro sa biktima nga napilasan sa leog.

Pareho nga gindala ang duha sa separado nga ospital sa siyudad.

Ginkilala ang amo nga lalaki kay Jomel Aspa, 22-anyos sang Balangigan, Dueñas apang temporaryo nga naga-istar sa guwa sang Deca Homes Subdivision sa Pandac, Pavia. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply