Iloilo City — Nadakpan na si Rodolfo “Boy” Supremo nga gintudlo nagsugod sang sunog sa Maria Clara kag Rizal Ibarra City Proper sang Marso sa diin masobra 50 ka balay ang naupos.

Ginserbihan sang warrant of arrest sa kaso nga destructive arson nga ginfile sang Bureau of Fire Protection-Iloilo.

Nagpanguna sa pagdakup kay Supremo si City Fire Marshal Jerry Candido kaupod man ang taga-CIDG 6.

Nadakpan si Supremo nga nagapangape sa central market kaina sang aga.

Ginpanginwala ni Supremo nga hungod siya nga nagsunog sang iya balay.

Suno diri, natulugan siya matapos nagpangamuyo kag nagakalayo na sang iya nabugtawan gani naghingagaw na lang siya guwa sa balay.

Nanginwala naman si Supremo nga naghambal siya nga sunugon niya ang Maria Clara.

Suno diri, naghambal lang siya nag “pasigahon” niya ang Maria Clara.

Ginpahayag sini nga nagapangabay siya nga ma-jumper pero wala siya ginpasugtan gani naakig siya. (JoMaque)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply