20-anyos nga Dalaga sa La Paz, Nagreklamo nga Ginlingling sang Kasilingan nga Lalaki

Iloilo City — Ginreklamo sang 20-anyos nga dalaga sa La Paz ang iya nga kasilingan nga lalaki nga nagpanglingling sa iya.

Suno kay alyas Nia, nagapaligo siya sang nasiplatan ang cellphone nga nakatutok sa buho nga nagaserbe nga exhaust sa banyo.

Dali-dali nga nag-ilis si Nia kag naguwa pero wala na sini naabtan ang tawo sa guwa sang banyo.

Apang nakita sang dalaga ang iya kasilingan nga si alyas Gilbert nga nagalakat malapit sa ila balay.

Ginpahayag ni nia nga ginsukmatan niya ang suspek pero ginpa-blotter pa gid sa police station sa kahangawa nga suliton sini ang pagpanglingling. (JoMaque)