UPDATE: 16-anyos nga Estudyante nga Ginbuno-Patay sa Esplanade, May Patal nga Pilas sa Dughan kag Likod Base sa Autopsy Result

Iloilo City–Patal nga pilas sang pagkabuno sa wala nga dughan kag duha sa likod ang gintunaan sang kamatayon sang 16-anyos nga estudyante nga nabun-an sa Esplanade sang weekend.

Resulta ini sa pag-autopsy ni Dr. Noel Martinez, medico legal officer sang Police Regional Office 6, sa bangkay ni John Edward Lao sang San Isidro, Lapaz kag estudyante sang Iloilo National High School. Suno kay Dr. Martinez, duha ka suspek ang nagbuno sa biktima bangud sa lain-lain nga kadalumon sang pilas.

May nakita man nga hanog sa mata sang biktima nga posible ginsumbag. (AGB)