Babaye nga Nagabusong, Nabungguan sang Truck nga may Karga nga Softdrinks sa Pavia

Pavia — Luwas sa katalagman ang ginang nga nagabusong sang walo ka bulan san nabungguan sang truck nga may karga nga softdrinks sa Ungka 2 Pavia.

Ginpahayag nga nabunggu-an si Kim Bem-Bem Montealbusio samtang nagahingagaw nga matabok sa corner Corazon Aquino Avenue.

Wala gilayon nakahawid ang preno sang truck tubtub nga nagsaka sa gutter kag natumbahan pa ang Toyota Vios.

Wala naman sang nasamaran ang driver sang truck kag mga pahinante kag ang nagasakay sa auto. (JoMaque)