Iloilo City — Dry run pa lamang ang ginhimo kaina sa Guimaras Iloilo Ferry Terminal (GIFT) sa Parola area.

Suno kay Attorney Mark Piad, spokesperson ni Mayor Jed Patrick Mabilog, pwede makadungka ang mga pumpboat sa GIFT  kag makasakay ang mga pasahero nga wala sang terminal fee bangud dry run pa lang.

Wala pa mapasar suno sa iya ang ginaduso nga ordinansa nga magahatag franchise sa developer nga Double Dragon Properties Corporation agod nga maka-operate ang GIFT.

Ginpaningiwala man ni Piad nga indi paghatagan sang alkalde sang proyekto ang miembro sang city council nga indi magpabor sa paghatag franchise sa Double Dragon.

Wala sang pressure sa mga konsehal suno kay Piad bangud gina-respeto sang alkalde ang ila deretso.

Nagbukas naman kaina ang City Mall sa Parola area matapos na-comply sang Double Dragon ang mga requirements sang City Business Permit and Licensing Office. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply