Iloilo City–Ginkilala sang iya amay ang lalaki nga ginhal-id sa higad sang highway sa Barangay Baybay, San Joaquin kahapon.

Ginkumpirmar ni George Gallaza sang Sitio Dapdap, Barangay General Hughes, City Proper nga bata niya nga si George Jr alyas Alog ang nasapwan base sa mga litrato nga iya nakita. Gin-ako naman sang amay nga naka-agi preso ang iya anak bangud sa pagpangawat kag may kaangtanan sa illegal drugs.

‘Drug user lang’

Gin-athag naman sang amay nga drug user lang ang iya bata kag wala ini nagabaligya sang illegal nga druga. Sa pagkahibalo sang amay, masami nagakadto si George Jr sa abyan sini sa Boulevard, Molo. Nagapati naman ini nga may atraso ang iya anak  gani ginpatay.

‘Salawayon’

Kilala man nga salawayon si George Jr kag masami nga nagalayas sa ila balay kag gulpi na lang mabalitaan sang iya amay nga napreso na bangud sang pagpangawat. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply