Iloilo City — Batunon na lang ni George Gallaza ang natabu sa iya bata nga si George Jr alyas Alog nga nasapwan patay sa kilid sang highway sa Baybay San Joaquin kahapon.

Suno kay Gallaza, wala na siya sang mahimo sa nadangatan ni Alog bangud aminado ang amay nagapangawat kag nagapang-snatch ini.

Ginpahayag ni Gallaza nga diyos na ang bahala sa mga nagpatay kay Alog.

Duda naman si Gallaza kon pulis ang nagpatay sa iya bata.

Posible suno sa iya nga may atraso si Alog gani ginbalikan.

Nasapwan ang bangkay ni Alog kahapon sang kaagahon nga naputos pa sang packing tape ang ulo, mga kamot kag tiil.

Wala sang nakita nga pilas sa iya lawas pero ginpahayag ni Gallaza nga wala na sila sang plano nga ipa-autopsy pa ang bangkay. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply