Duha ka Lalaki nga gintudlo Naghold-up sa Mag-utod sa Dumangas kag ginpahayag Naghimulos sa Babaye nga Biktima, Nadakpan na

Dumangas, Iloilo — Nadakpan ang duha ka lalaki nga gintudlo naghold-up sa mag-utod sa dumangas kag ginpahayag nga naghimulos pa sa babaye nga biktima kaina sang kaagahon.

Suno kay Chief Inspector Rene Obregon Jr, ginkilala ang mga suspek kanday Denmark Lachica, 30-anyos sang Lico-an Barotac Nuevo, kag Andrew Rex Anorico, 23 anyos sang Lagubang Barotac Nuevo.

Nagpalab-ut sang impormasyon sa Dumangas police si punong barangay Reby Ausmolo sang Barangay Cayos matapos nga gintawgan ni alyas Toto, ang utod ni alyas Inday nga gindala sang mga suspek.

Ginpahayag nga nagasakay sa motorsiklo sanday Inday kag Toto kag pakadto sa ila trabaho sa syudad sang gin-ipingan sang mga suspek nga nagasakay man sa motorsiklo, gintayaan sang pusil kag gindala ang babaye.

Nakaresponder gilayon ang mga pulis suno kay obregon gani nga naabtan kag nadakpan sanday Lachica kag Anorico.

Nakuha kay Lachica ang 22 revolver nga may lima ka bala kag narecover pa gid sa ila ang duha ka cellphones kag liyabe sang motorsiklo sang mga biktima. (JoMaque)