May 7 ka Illegal Gambling Operators sa Probinsya–IPPO Director

Iloilo–Pito ka mga bangka sang illegal gambling ang naga-operate sa probinsya.

Suno kay Iloilo Police Provincial Office Director PSSUPT Roderick Augustus Alba, aktibo pa ang nasambit nga mga bangka nga lunsay taga-Iloilo. Base sa monitoring sang IPPO, mga old players ukon financiers sang illegal gambling ang naga-egsister sa probinsya kag wala sang pangayaw baliskad sa naguwa nga report. Ginpabugal ni Alba nga limitado na subong ang hulag sang pito ka mga bangka bangud sang monitoring kag agresibo nga pagpanakop sang kapulisan. Kun may naga-operate gid man suno sa iya, posible nga patago na lang ukon ginapaagi na lang sa cellphone.

Nagbalibad naman si Alba nga hingadlan ang pito ka mga bangka sang illegal gambling nga naga-operate sa probinsya bangud intelligence reports ang iya ginabasehan gani indi pa puwede mabuyagyag. (AGB)