Iloilo City — Nagapinagusto lang si Mayor Jed Patrick Mabilog sang iya luyag himoon sa syudad bisan wala na naga-alalangay gani ginpasakaan siya sang kaso ni Councilor Plaridel Nava.

Ginpasaka ni Nava ang kaso sa Ombudsman batuk kanday Mabilog, Business Permit and Licensing Office head Norman Tabud; City Engineer Bobby Divinagracia kag 2 ka opisyal sang Double Dragon Properties Corporation bangud una pa nga nagbukas ang City mall sang sa Guimaras Iloilo Ferry Terminal (GIFT).

Suno kay Nava, ang tikang sang alkalde nagalapas sa Joint Venture Agreement nga ginpirmahan sang Double Dragon kag sang city government.

Ginlakip sa kaso si Tabud bangud nag-isyu ini sang permit agud maka-operate ang mall samtang si Divinagracia ang nag-isyu sang occupancy kag building permit.

Nagpasaka sang kasi si Nava matapos nagdumdum si Mabilog nga ginbalewala ang TRO kag injunction may kaangtanan sa gin-file nga kaso sang Guimaras provincial government batuk sa syudad. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply