Iloilo City — Wala ginbaton ni city engineer Roberto “Bobby” Divinagracia ang chairmanship sa Bids and Awards Committee.

Ginpakamaayo ni Divinagracia nga itugyan sa iban ang posistion bangud indi siya pamilyar sa Government Procurement Act.

Magluwas sini, masako man suno sa iya ang City Engineers Office kag nagakinahanglan sang panahon gani indi na niya masarangan mag-uyat sang isa pa ka position.

Wala pa sang gin-appoint si Mayor Jed Patrick Mabilog nga chairman sang BAC matapos nagpamalibad si Divinagracia.

Una na nagpili si Mabilog sang mga bag-o nga miembro sang BAC nga ginalakipan nanday Divinagracia; GSO Head Joren Sartorio; City Administrator Hernando Galvez; Asst Budget Officer Joy Anne Toledo kag Atty. Roledo Dela Cruz sang City Legal Office.

Nag-resign si Sartorio  bilang chairman sang BAC sang gin-imbestigar sang city council ang isyu sang pag-rasyon sang tubig sang Holland Water Refilling Station sa mga barangay nga apektado sang el niño. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply