Iloilo–Nag-triple ang kaso sang dengue sa probinsya halin Enero tubtub Hulyo kon ikumparar sa kapareho nga period sang nagligad nga tuig.

Ini ang rason suno kay Provincial Administrator Raul Banias nga naghiwat sang dengue forum si Governor Arthur Defensor sa tanan nga municipal mayors kag municipal health officers lakip na ang taga-Department of Health 6. Katuyuan sang forum nga maplanuhan ang mga dapat himuon agud matapna ang pagsaka sang kaso sang dengue sa probinsya.

May 2 , 186 ka mga pasyente sang dengue ang narecord sa nagkalain-lain nga district hospitals halin Enero tubtub Hulyo. Walo naman ang narecord nga napatay sa balatian.

Na-identify na suno kay Banias sang Provincial Health office ang mga hot spots nga area ukon mga banwa nga may mataas nga kaso sang dengue kag mga balantayan nga area. Bisan indi pa makabig nga outbreak ang pagtaas sang dengue cases, maka-alarma naman ini suno kay Banias bangud may mga banwa nga masobra sa isa ang napatay sa balatian gani ginamonitor sang DOH kag PHO. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply