Mga Pulis nga Gin-Reassign sa Cordillera Administrative Region, May Kahilabtanan sa Illegal Gambling kag Illegal Drugs–PRO-6 Director PCSUPT Jose Gentiles

Involved sa illegal drugs kag illegal gambling ang 22 ka pulis halin sa Police Regional Office 6 nga gin-reassign sa Cordillera Administrative Region sang damlag lang.

Ginkumpirmar ini ni PRO-6 Director PCSUPT Jose Gentiles. May masunod pa nga batch sang mga pulis suno kay Gentiles nga i-destino sa iban nga lugar.

Ginpangabay naman ni Gentiles sa Personnel Division sang Campo Crame nga bawion ang re-assignment ni PSI Adolfo Pagharion matapos na-validate sang intelligence officers nga ginhingabot lang ini sang pulitiko sa Aklan.

Ginsulit ni Gentiles nga pursigido siya nga tinluan ang hanay sang mga pulis sa Western Visayas. (AGB)