Iloilo City — Ginadudahan nga ginahimo nga drug den ang parlor sa Cubay Jaro gani nga ginsiraduhan sang mga pulis kasunod sang buybust operation kaina sang aga.

Nadakpan ang subject sa operasyon nga si Jose Pablo Capatid, 40-anyos sang amo man nga lugar kag nagapanag-iya sang parlor.

Gin-ako ni Capatid nga nagagamit siya sang illegal drugs pero ginpanginwala nga drug pusher siya.

Nadakpan man ang pito ka iban pa nga ginalakipan nanday Maria Carmen Castillo, 42 anyos; Jordan Gario, 18-anyos; Jeffer Accollador, 23; Nicholas Imboltorio, 43; Gary Sagala, 38 anyos; alyas Gaga Amalier kag Nonoy Amalier.

Lakip naman sa recoveries ang 200 pesos nga buybust money, lima ka sachets sang suspected shabu kag mga drug paraphernalia. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply