PCI Rio Maymay, Ginrelieve nga Hepe sang Police Station 1
Iloilo City–Gin-relieve bilang station commander sang City Proper Police Station si PCI Rio Maymay kag 13 pa ka personnel matapos nagtambong sa bunyag sang bata ni PO1 Arnie Luminario Jr sa Mandurriao sa diin gin-imbitar man ang drug personality nga si Arian Oribe.
Ginkumpirmar ni Iloilo City Police Office Director PSSUPT Remus Zacharias Canieso nga may relief order halin sa Campo Delgado para kanday Maymay kag 13 pa ka iban. Una na ginrekomendar ni Canieso nga ipa-idalum sa evaluation sang Regional Investigation and Detective Management Division sanday Maymay kag 13 pa ka police personnel.
Wala pa nahibaluan kun sin-o ang magabulos kay Maymay sa Police Station 1. (AGB)