Igbaras, Iloilo–Nadakpan sa buybust operation sang Igbaras police ang anay miembro sang Philippine Army kahapon.

Ginkilala ni PI Ceferino Gelpe, hepe sang Igbaras MPS, ang nadakpan kay anay PFC Abbie Raymond Bustarga, 36-anyos sang E. Aldama Street, Barangay 2. Narecover kay Bustarga ang tatlo ka sachets sang suspected shabu lakip na ang buybust item, 300 pesos nga marked money kag 200 pesos nga cash.

Suno kay Gelpe, na-discharge sa Philippine Army si Bustarga bangud sa kaso nga insubordination kag ginpahayag pagamit kag pagbaligya sang illegal drugs.

Ginpa-drug test si Bustarga matapos nakabaton sang impormasyon ang Igbaras police nga nagamit pa ini sang illegal drugs antes nadakpan. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply