Pila ka ICPO Personnel, Ginpang-reassign!

Gintapok sa Antique Police Provincial Office ang kalabanan sa mga pulis nga ginpang-relieve halin sa Iloilo City Police Office.

Sa Special Order Number 1887 halin sa Campo Delgado, pito sa 11 ka police personnel nga ginpang-relieve ang gin-reassign sa Antique. Ginalakipan ini nanday PCI Rio Maymay; PO1 Gerald Bergantino; PO1 Domar Deocampo; PO1 Mark Anthony Bajada; PO1 Mary Anne Garcera; PO1 Alven Patopatin kag PO1 Ryan Lacuesta. Sanday PO3 Simon Asistio II kag PO3 Ryan Salay ang gin-reassign sa Regional Public Safety Battalion 6. Ginbutang naman sa Guimaras Police Provincial Office si PO3 Arnie Luminario samtang ang iya bata nga si PO1 Arnie Luminario Jr ang gin-reassign sa Iloilo Police Provincial Office.

Gin-athag ni Police Regional Office (PRO) 6 Spokesman PSUPT Gilbert Gorero nga may tatlo pa ka pulis nga wala gin-relieve bangud wala sila sang liability bisan nakita nga nagtambong sa bunyag sang bata ni PO1 Luminario Jr. Ginalakipan ini nanday SPO2 Beautina Barrieta kag PO1 Ryan Camiña sang Regional Anti-Illegal Drugs Task Force kag PO2 Nelson Tuiza sang Personnel Accounting Information System sang PRO-6. (AGB)