Ginmanduan ni Police Regional Office (PRO) 6 Director PCSUPT Jose Gentiles ang chief sang Regional Intelligence Division kag si Iloilo Police Provincial Office Director PSSUPT Roderick Augustus Alba nga usisaon kon sin-o ang nagagamit sang iya pangalan.

Naghatag sang mandu si Gentiles matapos naguwa ang iya pangalan nga nagpadala sang tinawo agud mag-istorya sa mga illegal gambling operators sa probinsya sang Iloilo. Ginpanginwala ni Gentiles nga may kahilabtanan siya sa paglapta sang illegal gambling.

Ginpabutyag ni Gentiles nga wala siya nakahibalo kon sin-o ang nagagamit sang iya pangalan. Nagpasalig naman ini nga pursigido siya nga papason ang illegal gambling kag illegal drugs sa Western Visayas. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply