Iloilo — Napasaka na ang kaso batuk sa duha ka mga lalaki nga ginpahayag naghimulos kag naghold-up sa babaye sa Barangay Sapao, Dumangas sang damlag lang.

Suno kay Chief Inspector Ronnie Obregon, hepe sang Dumangas Police Station, ginpasakaan sang kaso nga rape kag robbery with unlicensed firearm sanday Denmark Lachica sang Licoan Barotac Nuevo kag Andrew Rex Anorico sang Barangay Lagubang. Duha ka counts sang rape ang gin-file kay Lachica samtang isa ka count sang rape kay Anorico.

Positibo nga ginhimuslan si alyas Inday suno kay Obregon base sa resulta sang medical examination.

Padulong sa syudad si Inday upod sa iya manghud nga si alyas Toto, 23-anyos, sakay sa motorsiklo sang gin-ipingan sang mga suspek nga sakay man sa motorsiklo sa Brgy. Bantud Fabrica Dumangas, gintayaan sang pusil kag ginkuha ang ila mga pagkabutang. Gindala si gindala sang mga suspect sa Barangay Sapao samtang ginbilin ang manghud. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply