4 Lakip ang Menor-de-edad, Nadakpan sa Buybust Operation Kagab-i!

Iloilo City–Apat ang nadakpan sa buybust operation sang Mandurriao police sa pagpanguna sang hepe nga si PCI Jojo Tabaloc sa Barangay Bolilao kagab-i.

Ginkilala ang subject nga si Vladimir Martin Vergara nga nagpabutyag nga ginapa-ulian lang sini ang illegal drugs nga ginaduhol sa iya. Suno kay Vergara, wala man sini nakilala kon sin-o ang nagadul-ong sa iya sang supply.

Nadakpan naman sa sulod sang balay ni Vergara si Miraluna Fernandez sang North Baluarte, Molo kag ang 15-anyos nga lalaki. Na-aresto man si Brian Dadivas sang Villa Anita, City Proper.

20 ka mga sachets sang suspected shabu kag mga drug paraphernalia ang narecover sa balay sang subject. Si Vergara suno kay Tabaloc ang gin-subject man nila sa Oplan Tokhang pero wala nagsurrender. (AGB)