Iloilo City–Ginpasiguro ni Local Economic Enterprise Office (LEEO) Head Ariel Castañeda nga indi madulaan sang puwesto ang mga manugbaligya sang bulak sa kilid sang Iloilo Central Market.

Naghingyo si Mayor Jed Patrick Mabilog suno kay Castañeda nga kadtuan ang mga vendors kag hambalan nga wala sila ginapahalin kundi luyag lang sang alkalde nga limpyuhan kag patahumon ang lugar agud makaganyat pa sang mga customers.

Luyag man sini nga hawanan ang kilid sang dalan agud indi magsablag sa trapiko. Natalupangdan  ni Castañeda nga daw basurahan ang lugar bangud wala na-areglar sang maayo.

Plano sang City Government nga ibutang sa sulod sang merkado ang mga stocks nga bulak kag himoon na lang nga display area ang kilid pati na ang main entrance sang merkado. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply