Motorbanca, Nagkapan sa Concepcion; 19 ka Pasahero, Nakaluwas!

Iloilo–Nagkapan sa baybayon sang Concepcion ang motor banca nga ginsakyan sang 19 ka mga pasahero kaina sang aga.

Suno kay PCI Jonathan Pinuela, hepe sang Concepcion Police Station, lunsay naghalin sa Guimbal ang mga sakay sang motor banca nga naghagaray nga magpaligo sa beach resort sa Concepcio. Nagsakay sa may pantalan sa Sitio Puntales, Barangay Nipa ang mga biktima kag matabok kuntani sa Sandbar Beach Resort sang nasugata ang dalagku nga mga balod rason sang pagkapan sang sakayan.

Yara na sa maayo nga kahimtangan ang mga biktima matapos naluwas sang mga miembro sang Provincial Bantay Dagat. (AGB)