Iloilo City — Nabulabog ang Arevalo Police Station sang ginreklamo sang 31 anyos nga bana ang iya 26 anyos nga asawa kag ang ila 30 anyos nga best friend matapos ginpahayag nga nakita nga upod naguwa sa kwarto sang Wellkens Beach Resort sa Sto. NiƱo Norte, Arevalo kaina sang kaagahon.

Pero ginpanginwala ni alyas ana nga may natabu sa ila ni Dindo.

Ginsaysay sini nga tatlo ka tuig na siya naga-antus sa pagpangbabaye sang iya bana nga si Toto, manugbaid sang gunting sa City Proper.

Suno kay Ana, nakita sini nga may naga-angkas nga babaye sa motorsiklo sang bana gani gintawgan niya si Dindo agud magpadul-ong kuntani sa kadtuan ni Toto.

Gin-ako ni Ana nga nag-inom sila ni Dindo samtang nagapa-utwas siya sang kalain sang buot sa ginhimo sang iya bana.

Gin-ako ni Ana nga nagkuha siya sang kwarto agud tulugan ni Dindo bangud nahubog ini pero ginpanindugan nga nagtenir lang siya sa guwa tubtob sang kaagahon.

Ginpahayag ni Ana nga ginpabalo man sini ang iya bana nga upod sila ni Dindo agud mabatyagan man sini ang kasakit sang iya ginhimo. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply